0
قصة واقعية فهل من رأي لكم تشاركوني به أنتظر ردودكم أمي تكرهني من وانا صغيرة،،،

عامليها بالحسنى
وكلمي ابوك يزوجك وحتى لو ما رضت المهم موافقتك انتي
وعندك المحكمه او كلمي الهيئه وفهميهم ممكن يرسلون لامك أمراءه صالحه تحاور امك
المهم الزمي صلاتك والاذكار ودعوة الله ليل ونهار


اذا كانت امك تعاملك معاملة سيئه فكوني انت الافضل وعامليها بما يرضي الله
فستكون انشاء الله حسناتك مضاعفة
اعتبري هذا قدرك ولا تتوقعي منها الجميل كي لاتحزنك تصرفاتها كوني اكبر منها
واحتويها اعتبريها انسانة جاهلة لاتعي ما تفعل واحتسبي اجرك على الله
فارس


>  أمي تكرهني من وانا صغيرة،،،
> قصة معاناتي مع امي اختصرها في هذه السطور موقف سوته فيني أمي أمووووووووت
> ماانسى صورتة في خيالي لما كنت طفلة في الصف الاول ابتدائي كان شعري حد كتوفي
> ناعم حرير اسود كان جميل جدا جدا ومره من المرات امي خلت خواتي يمسكوني
> ويجيبوني لها وكان بيدها موس والله ثم والله حلقت لي شعري على الصفر ورحت
> المدرسه لابسه طرحه صديقاتي استغربوا مني لاني لابسه طرحه دايم اتدلع بشعري
> يقولوا لي مهرة ليه ماتفتحي الطرحه وش فيه شعرك ؟؟؟ قلت مافيه شيء ووحده من
> صحباتي سحبت الطرحه من راسي وشافوا صلعتي وجلسوا يضحكون لانه بجد كان منظر مضحك
> تخيلوا بنت حالقه على
>  الصفر هم يضحكون وانا ابكي المهم لما بدأ يطلع شعري رجعت حلقته مره ثانيه
> وثالثه ورابعه لين جاء اليوم اللي انا انصعقت فيه وهي تفاجأت طلع شعري خشن مره
> مره وبعدين وقفت عن الحلاقه انا انقهرت على جمال شعري اللي راح وكل مااتذكره
> ابكي تعذبت مع شعري الخشن والى الان وانا اتعب فيه ماخليت فرد الا وجربته
> وماخليت زيت الا واستخدمته الحمدلله بدأ يتحسن لكن استحاله يرجع مثل اول حز
> بخاطري اللي سوته امي وسؤالي ليه هي سوت فيني تسذا ؟؟؟؟ وش كان غرضها ومقصدها
> من اللي سوته فيني انا كنت طفله ومااذكر اني سويت شيء يخليها تحقد وتنتقم مني
> بهالطريقه
>  الشنيعه اللي خلتني اتعذب فيها طوووووووول عمري المهم انا سامحتها بس ماانسى
> هالموقف والله اني اتذكر الصوره والمكان محفوره بذاكرتي كأن الموقف صار امس
> ماقدرت انساههذا جزء من قصتي اما الجزء الاخر معاملتها لي قاسيه جدا تعتبرني
> قذاره اطبخ ماتأكل من طبخي اغسل شيء من الصحون ترجع تغسله بعدي على العلم اني
> نظيفه وكل اللي بالبيت يأكل من طبخي نظيفه في نفسي وفي طبخي والله ثم والله إني
> مامسك شيء إلا وأعمله على أكمل وجه وبكل أمانه والحمدلله وكل اللي في البيت
> يحبوني خواتي واخواني وابوي والحمدلله حتى اذا شريت لهم عشاء ماتأكل منه
> ابد وهي تقولهم
>  ليه تحبونها عشانها غضيبه وامي اصلا مو شايفتي شيء ابداذكر مره تهاوشت مع اختي
> الكبيره قالت لأختي انتي من جدك تزعلي منها هاذي ( شبشب حمام ) ،،اكرمكم الله
> ،،وماخلصت من كلامها الا دموعي نزلت على خدي لها الدرجه تحتقرني ليه ؟؟؟ ليه
> أنا بالذات ؟؟؟ وهي تشوفني وانا ابكي وتقول احسن احسن تستاهلي كأنها بردت كبدها
> يوم اثر فيني كلامها ذلتني واستحقرتنيودايم تروح السوق تشتري لأخوات وماتشتري
> لي ابد حتى لما أجي اطلبها تقول ماعندي ويجي اخوي الصغير يطلبها تعطيه خواتي
> اذا طلبوا شيء وهي ماعندها والله تروح تتسلف عشانهممره صحيت من النوم جوعانه
> قلت
>  لأمي عطي اخوي ريال يجيب خبز قالت ماعندي تخيلوا ريال بس عندها بس مستخسرته
> فيني قمت اتصلت على ابوي الله يخليه لي ولا يحرمني منه وقلت له جيب لنا خبز على
> انه كان بعيد بس جاء وجاب الخبز معهودايم دايم كل ماتجي تروح السوق اقول انا
> بروح معاكم تقولي انتي تروحي انا مااروح اقولها ابي اغراض من السوق تقول انتي
> تروحين انا مااروح ليه الجفا ليه القساوه ليه هالمعامله صرت اذا بروح السوق
> اروح مع السواق لحالي ومرات اخذ وحده من خواتي معي او ابوي الله يطول بعمره
> يوديني كم مره انفجر فيها ابكي اقولها انتي مستحيل تكونين امي انتي ليه تعاملني
> تسذا ؟؟؟ ليه
>  انتي قاسيه معي تسذا ؟؟؟تسكت ماترد ماعندها جواب لهالسؤالومسكتها علي وفضحتني
> عند الحريم تقول بنتي مهره تقولي انتي مو امي انا امي ماتت فعلا انا احس ان امي
> ماتت انقهر يوم اشوف البنات مع امهاتهم يضمون بعض تبوس امها وامها تبوسها
> تدلعها بنتها وتسولف وتضحك مع بنتها انا اذا جيت اتكلم وافتح معها سالفه ماترد
> علي ولا تكلمني تسكت ماتتكلم الا اذا فيه مشكله تتدخل بس عشان تسبني فيها انا
> من النوع اللي ماارضى بالظليمه واصيح وابكي وارفع صوتي وادافع بكل قوتي عن نفسي
> لانه مابه احد يدافع عني دايم خواتي يشوفوني انا الغلطانه ارد عليها اذا ظلمتني
> ارد
>  عليها اذا احتقرتني بس ارد بحدود الادب يقولوا لي خواتي بكرا يعاملونك عيالك
> مثل ماتعاملني امي وتردين عليها وانا اقول مستحيل اذوق عيالي من كأس المر اللي
> انا ذقته تقولي امي انتي غضيبه والدين على العلم اني باره باابوي ،،، ياليتها
> مثل ابوي كان انا بخيرحتى ماتخليني اشوف نصيبي واروح في حالي كم مره انخطب
> وترفض وماتقولي الا بعد ماترفض كأنها هي اللي بتتزوج ترفض من غير ماتشاورني
> والا حتى تأخذ رايي مو حرام يايمه تقطعني نصيبي ؟؟؟ اذكر مره وحده من الحريم
> قالت لها مهره احلى وحده في بناتك قالت أي مره باين تقولها بتريقه صديقاتي كثير
> اللي
>  خطبوني كل مااقولها تقول مايصلح تطلع فيه العيب حتى لو مافيه ومره جات وقالت
> لاختي الصغيره جاك عريس استخيري عشان ارد على الناس قدامي تقوله تبي تقهرني
> مسكتني اختي الصغيره بالغرفه وقالت لي مهره انا مستحيل اتزوج وانتي باقي
> ماتزوجتني قلت لها ياقلبي روحي انا نصيبي اذا جاني باخذه غصب عن اللي مايرضى
> لاتربطني نفسك فيني والا ترى بتعنسي قلتها بضحكه لاني عارفه انها اذا حست بشيء
> اكيد بترفض عشاني احس انها تأذيني أذى نفسي تعبت وربي تعبت و أنا لو ماخشيت
> الله ولا فكرت بحسابه لاريح نفسي بنفسي من الدنيا ومافيها آه ياقلبي انا صرت
> اسوي زيها اذا
>  جاتني فلوس مااعطيها ابد اعطي ابوي عيوني لويبيها لكن هي اسفه مااعطيها تحب
> الفلوس مره اذا عندي فلوس تتغير معاملتها لي 180 درجه تبي اعطها واذا ماعندي
> فلوس تقلب على وجهها الحقيقي أنا اسلوبي أعامل الناس مثل مايعاملوني طيبه مع
> الطيب ومع الشر ماني قليلة شر يقولون اني قوية واني مااهاب لكن نسوا اني الظاهر
> مايعكس المكنون انا مكسوره ومقهوره من داخلي اصعب شيء لاجاتك الاذيه من اقرب
> الناس لك من امك آآآآآآآآآآه يمه
> أعلم بأن الكثير سيقول معقوووووووووووووول
> أن تكره أم إبنتها؟؟؟؟؟؟؟؟؟
> هذه القصة واقعية

0 التعليقات:

احدث المواضيع

إذا أعجبتك مدونتي وتريد التوصل بكل المواضيع الجديدة ،كن السبّاق وقم بإدخال بريدك الإلكتروني و إنتظر الجديد

Google+ Followers

Related Posts Plugin for WordPress, Blogger...
 
تعريب وتطوير مدونة الفوتو شوب
مدونة شيكو © 2010 | عودة الى الاعلى
Designed by Chica Blogger